观塘海滨活动空间01｜全港购物美食节 ▪ 月夜越滨 Fun

活动简介

今年中秋谂好去边度玩未？

今个中秋假期，由 AquaBeat 观塘海滨活动空间同全港各区工商联携手打造嘅 【全港购物美食节·月夜越滨Fun】 重磅登场啦！

连续 3 日假观塘海滨同大家玩尽中秋！集结超多热门美食、原创手作、古风打卡位同游戏体验，无论系想拍拖打卡、一家大细去放电，定系同老Bestie去食食食都超级适合！

嘉年华 5 大必玩亮点

40+ 特色美食手作品牌市集｜节日限定美食茶饮｜汇聚道地小食与美酒佳肴，边行边食超满足～ 精选原创手作、精致饰品、香熏水晶、中秋限定主题商品应有尽有！

3米高巨型月亮月兔｜超靓海滨夜照亮全场，随手一拍即出 IG 爆赞质感大片！

经典猜灯谜：动动脑筋答中即送美食广场折扣券及精美小礼物！

嘉年华游戏挑战：好玩又刺激，赢取丰富奖品！

传统中秋香包 DIY 工作坊：市集消费满 $50 即可免费参加，亲手做个专属香包带回家～

小朋友放电专区｜现场仲有大型弹床城堡＋嘉年华经典游戏，小朋友绝对玩到唔想走！

【Follow 即送中秋限定迎宾礼】

凡免费入场并即场追踪AquaBeat IG/FB ( 活动场地・食肆招租・社区活动 ) ，Po story @ Tag埋我哋，即送【观滨中秋限定透光明信片】乙份！(数量有限，送完即止！)

免费入场

快啲 @ 埋屋企人、另一半同好朋友，一齐嚟观塘海滨过一个最浪漫热闹嘅中秋节啦！